Vinxbach

Uß de Wikipedia
Zur Navigation springen Zur Suche springen

Dä Lemma-Titel he es jeschrieve un bochstabeet en de Sproch vum Oot.


Vinxbach (op deutsch: Vinxtbach) es ene wesslijje Nävvenfloss fum Rhing. Hä lidd en Rhingland_Pallz.

Dä Folauf[Ändere · der Quälltäx ändere]

Dä Vinxbach kütt fum Adert, leuf an Bovver-, Meddel-, Ungervinxt fobëij, dorsch_Schalkemisch un Künnishßfëld, wigger_erraf dorsh Waldorf un Jönnerschdorf un dann em Boren op Lützing aan, jëijdt_tann bëij_de Bursch Rheineck en dor_Rhing_erinn. Dadd_eß koot ungerhalləf fun Brohl un e jannz Shtöck bovverhalləf fun Breisish.

En de Römerzick[Ändere · der Quälltäx ändere]

Wi de Römer noch am Rhing hächshe dääte, woo bem Vinxbach de Jränß zwesche Bovver-Järrmanije, Germania superior, wat e Shtöck Nöchtlish fun_de Allpe aanfing, un Niidor_Järrmanije, Germania infrior, wat_tann beß an et Meer jingk. Wëjl do et bovvere Järrmanije am Eng woo — op lateinisch finis, en Engk, en Jrënß — wood dä Bach alld domohls_esu jenanndt, un do kütt och sing Name fun hük her.

De Sproochjränß[Ändere · der Quälltäx ändere]

Jäz markeerd_er de Jränßlinnije zwesche de ripuarische oddo meddefränkėsche Shprooche em Norrde, un em Süüde de muuselfränkėsche Shprooche. Di zvëij Shprooche_Jroppe sin fovanndt, se jehüüre beejds_en de meddeldeutsche Shproochejroppe. Fo de Weßßeschaff_fun_de Shprooche hät dä Vinxbach Pate jshtannde, un de su_jenannte Vinxbach_Linnije där Name jejovve, di zwesche dä zwëij Shprooch_Jebeedte foleuf.